ඔබ මිස වෙන නැති යශෝදරා....
නොමියෙන සෙනෙහස හදෙහි හොවා ගත්
ආදර සියපත ළය මඩලට ගත්
මිහිමත ජනිතවු අරුත වටහා ගත්
ඔබ මිස වෙන නැති යශෝදරා
විටකදි දෙනෙතේ කඳුලැල් පුරවා
ලොවට පෙනෙන්නට මුව මල සරසා
හද කුසුමේ දුක තනිවම ඉවසා
සිනා වුණා ඔබ යශෝදරා
සසරක් පාසා පසුපස ඇවිදින්
වෙන්වෙන්නට නොව ළංවි හිඳිමින්
සිටියා දුක සැප සමව බෙදාගෙන
නුඹ වැනි වෙන නැති යශෝදරා
ලේන කුලේ සිට නිවන් දකින තුරු
පහන් සිලක් වුණි සසරක් පාසා
සෙනෙහස නොසිඳෙන උල්පත නුඹ
විය
සෙනෙහස් ග`ගුලේ අරුත කියා
කල්ප කාලයක් පෙරුම් පුරාගෙන
ආවා නොසැලෙන සෙවණැල්ලක් වී
නොකැලැල් පේ්රමය හදෙහි දරාගත්
යශෝදරාවෙනි ලොවට අගෙයි ඔබ
පෙරුම් පුරාගෙන ඔබ ආ වග තුග
දේව මිනිස් කැල දනිති ඔබේ වග
හැම සංසාරෙම සිටියා පස පස
පෑව සෙනේ ලොව සිහින කුමාරිය
උපදින සසරේ පැතුම දරා ආ
හදමල දැවුණා ගිය පසු
හැරදා
ආත්ම ගණනේ සිතුවිලි
අහුරා
සසර නිමාවුණි පැතුම
ලබා
නලිනිකා ලක්ෂාණි
